५ माघ २०७८, बुधबार / Jan 19, 2022

भाइको मृत्युको पिडा त थियो थियाे बिमा कम्पनीले झन पिडा दियोः केन्द्रिय सदस्य अधिकारी

सुशासन सम्बाददाता
५ असार २०७८, शनिबार २०:४२
403 Views

नेपाल उद्योग बाणिज्य महासँघका केन्द्रिय सदस्य चक्रबहादुर अधिकारीले सम्पुर्ण कागजात तथा पक्रिया पुर्याई मृत्यु बिमा दाबी गरेको पन्ध्र दिन बिती सक्दा पनि भुक्तानी नपाएको गुनासो गरेका छन् ।

मृतका दाजु चक्र अधिकारीले सामाजिक संजालमा पोखेको आक्रोस

गत बैशाष २९ गते चक्रबहादुरका भाई इन्जिनियर अर्जुन बहादुर अधिकारीको कोभिड १९को कारण मृत्यु भएको थियो । मृतकले तीन वटा जीवन बिमा कम्पनीमा बिमा गराएकोमा हाल उक्त बिमा कम्पनीमा मृतका हकदार गई मृत्यु दाबी पेश गर्दा बिभिन्न बहानामा भुक्तानी प्रक्रिया ढिला गरेको छ ।

बिमा कम्पनीले माग गरे बमोजिमको सम्बन्धित अस्पतालको मृत्यु प्रमाणित कागज तथा सम्बन्धित वार्ड कार्यालयमा मृत्यु दर्ता भएको प्रमाण पत्र र अन्य परिचय खुल्ने कागजात माग गरे थियो ।

माग भए बमोजिमको सम्पुर्ण कागजात पेश भै सकेकोमा पुनः बिशेषज्ञ चिकित्सक बाटै प्रमाणित हुनु पर्ने र वकिलको कागज चाहिने भन्दै ढिला सुस्ती गरेको बुझिन आएको छ ।

यसरी प्रक्रिया पुर्याई मृत्यु दाबी बिमा माग गर्दा पनि समयमै भुक्तानी नदिएको भन्दै केन्द्रिय सदस्य अधिकारीले सामाजिक संजाल फेसबुकमा कुनै पनि बिमा कम्पनीमा बिमा गरि सकेका र गर्ने मनसाय भएकालाई अनुरोध भन्दै आफुले भोगेका अनुभवहरु स्टाटस मार्फत जानकारी गराएका छन् ।

सो बिषयमा सम्बन्धित अधिकारीलाई सुशासन खबरबाट बुझ्दा “म जस्तो बुझेको र प्रक्रिया पुर्याई बिमा माग गरेकोमा यस्तो ढिला सुस्ती तथा आलटाल गरी दुःख दिएका छन् भने सर्बसाधारण नपढेका र कागजातको बारेमा जानकारी नभएका ब्यक्तिहरुलाई कति दुःख दिन्छन् होाला ?” भन्दै प्रश्न गरेका छन् ।