१२ मंसिर २०७९, सोमबार / Nov 28, 2022

दैलेख प्रहरी परिसरबाटै सार्बजनिक माल बस्तुको हिना मिना

सुशासन खबर
१३ श्रावण २०७८, बुधबार ०९:२०
771 Views

जिल्ला प्रहरी कार्यालय दैलेखले घरेलु मदिरा बनाउन प्रयोग भएका बरामद समाग्री हिना मिना भएको छ । घरेलु हिंसाको प्रमुख कारण घरेलु मदिरा भएकोले उक्त मदिरा सहित मदिरा बनाउन प्रयोग भएका सर सामान बरामद गर्दै आएको छ ।

बालुवा जम्मा भएकाे स्थान । हाल उक्त बालुवा नरहेकाे

उक्त मदिरा बनाउन प्रयोग भएका सर सामानहरु प्रहरी र कपाडीको मिलो मतोमा खरिद बिक्रि भएको छ । बिगत लामो समय देखी घरेलु मदिरा नियन्त्रण गर्नका लागि जिल्ला देखी आफ्ना मातहतका प्रहरी परिचालन गरी मदिरा लगायत सामानहरु बरामद गरी ल्याउने गरेको पाइन्छ । जस मध्ये मदिरालाई नष्ट गरे पनि सामान भने जिन्सी आम्दानी बाध्नु पर्नेमा सो नगरी मिलोमतोमा उक्त सामाग्री बेचेको एक जानकारले बताउछन्  ।

 

यती मात्र नभई जिल्ला प्रहरी कार्यालय दैलेखले गत आ.ब. २०७६।०७७ को असारमा खोलाबाट बालुवा गिट्टी ल्याउने गाडीहरुलाई नियन्त्रणमा लिई नदी जन्य मालसमान डिभिजन बन कार्यालय दैलेखले रु एक हजारका दरले जरिवाना गरी माल बस्तु जिप्रका दैलेखको परिसरमा घाटगद्दी गरेकोमा हाल उक्त माल बस्तु समेत हिना मिना भएको छ ।

सो बिषयमा डिभिजन बन कार्यालय दैलेखका बन अधिकृत नवराज पौड्यललाई बुझ्दा “गत आ.ब.मा नदि जन्य बस्तु उत्खनन् गर्न बन्द भएको बेलामा उत्खनन् भइ ल्याउदै गरेको अवस्थामा प्रहरीले पक्राउ गरी कानुनी दायरामा ल्याएको थियो, सबै मालस्तु ल्याउने सवारीलाई रु एक हजार जरीवाना गरी उक्त माल बस्तु जि.प्र.का.परिसरमा झरेका हौ उक्त माल बस्तु लिलाम बिक्रि बिना कोही कसैले हिना मिना गर्न नपाउने कानुनमा रहेको बताए” ।

त्यस्तै एक सवारी चालक भन्छन “यसरी खोलाबाट ल्याएको मालबस्तु जरिवाना तिरे पछी उक्त माल बस्तु हामीले लिन पाउनु पर्नेमा सो नभई जिप्रका परिसरमा झारेर गएकोमा हाल उक्त स्थानमा माल बस्तु नभएकोले हामी मर्कामा परेका छौ ।

डिएसपी अनुपम श्रेष्ठले ” बालुवा बगेर गएको र घरेलु मदिरा बनाउन प्रयोग भएको भाँडा कुडाहरु जिन्सी आम्दानी रहेकोले उक्त हल्ला मात्र भएको” सुशासन खबरकर्मी भरत अधिकारीलाइ बताए ।

यस बिषयमा प्रमुख जिल्ला अधिकारी हरि प्याकुरेलसँग बुझ्दा “कानुनले निषेध गरेका कुनै पनि सरसामान वारदात स्थलमा फेला परेमा उक्त समान जफत भई उक्त जफत भएका समाग्री मध्ये नष्ट भई जाने समाग्रीहरु नष्ट गरिन्छ भने अन्य नष्ट नभई जाने मालसमानहरुलाई लिलाम बढाबढमा बिक्रि बितरण गर्नु पर्ने प्राबधान रहेको छ” । भनि जानकारी दिएका छन् ।

Latest समाचार