संसद् विघटन विरुद्ध दैलेखमा राँके जुलुस दैलेख

संसद् विघटन विरुद्ध दैलेखका विद्यार्थी संगठनले शनिवार साँझ दैलेख सदरमुकाममा राँके जुलुस निकालेका छन् । विपक्षी गठबन्धनमा आवद्ध दलहरु निकट विद्यार्थी संगठनहरुले राँके जुलुस निकालेका हुन् । राँके जुलुस निकाल्दै विद्यार्थी संगठनका नेता तथा कार्यकर्ताहरुले प्रधानमन्त्री केपी शर्मा ओलीविरुद्ध नाराबाजी समेत गरेका थिए । उनिहरुले राष्ट्रपतिले पदीय गरिमा कायम राख्नु पर्ने लगाएतका नारा बाजी गरेका हुन् । नेपाल विद्यार्थी संघ, अखिल क्रान्तिकारी, नेपाल–खनाल निकट अनेरास्ववियुले संयुक्त रुपमा राँके जुलुस सहित प्रर्दशन गरेका हुन् । प्रधानमन्त्री ओलीबाट पटकपटक संविधानको दियको प्रदत्त  अधिकारको परिधिभित्र भित्र नरही संसद बिघठन गरेकोले  त्यसका विरुद्ध आन्दोलनमा उत्रनुपरेको जुलुसमा सहभागी वाइसीएल नेपालका जिल्ला इन्चार्ज गोपाल बिसिले जानकारी गराए  । पटक–पटकको संसद् विघटनमा प्रधानमन्त्रीलाई साथ दिएको भन्दै विद्यार्थी नेता तथा कार्यकर्ताहरुले राष्ट्रपति विद्यादेवी भण्डारीको पनि चर्को आलोचना गरेका थिए ।