दाङ — तुलसीपुर उपमहानगरपालिका–५ को ङ लाइन स्थित इरम फुटवेयर पसलमा भीषण आगलागी भइ पाँच जनाको घरभित्रै फसेर मृत्यु भएको छ ।
राति करिब पौने दुई बजेदेखि लागेको आगो बिहानसम्म पनि नियन्त्रण नभई घर भित्र फसेकालाई उद्धार गर्न कठिन भएको थियो ।उनीहरुलाई बिहान बेहोस् अवस्थामा फेला पारी राप्ती प्रादेशिक अस्पताल तुलसीपुरमा लगिएकोमा बेहोस भएका सबैको मृत्यु भएको इप्रका तुल्सीपुरले जनाएको छ ।
तुलसीपुरर घोराही उपमहागनरपालिकाको दमकल, जनपथ प्रहरी, सशस्त्र प्रहरी, नेपाल आर्मी र स्थानीयले आगो निभाउन रातभर प्रयास गरेका थिए । उक्त आगो विद्युत् सर्ट भइ लागेको हुनसक्ने स्थानियले बताए ।