डिभिजन बन कार्यालय दैलेखमा कार्यरत रेन्जर चन्द्र खड्काको रक्तचापबाट मृत्यु भएको छ । पश्चिम रुकुम सानोभेरी नगर पालिका वार्ड नं. ९ बस्ने बर्ष २२ को चन्द्र बहादुर खड्को आज निधन भएको छ ।
खड्काको दैलेख स्थित सदरमुकाममा रहेको डेरामा दिउसो १ बजेको समयमा घरको छतमा लुगा सुकाउने बेलामा एक्कासी प्रेसर लो भई अचेत भएका थिए ।
खड्का अचेत भएको अवस्थामा उपचारको लागि जिल्ला अस्पताल दैलेख लगिएको र थप उपचारको लागि प्रदेश अस्पताल सुर्खेतमा रिफर हुदै गर्दा दिउसो १ः४५ बजेको समयमा निधन भएको जिल्ला स्वास्थ्य कार्यालय दैलेखले जनाएको छ ।
रेन्जर खड्का डिभिजन बन कार्यालय दैलेखमा बिगत एक बर्ष देखी कार्यरत रहेको र निज जस्तो क्षमतावान कर्मचारी गुमाउदा हामी भाव बिह्वल भएका छौ डिभिजन बन अधिकृत मुन बहादुर रावत भन्छन ।